خط قبضہ پر کشیدگی کم کرنا ضروری ، سیکریٹری جنرل اقوام متحدہ گوٹیرس کا بیان
اقوام متحدہ:اقوام متحدہ کے جنرل سکریٹری اینتینیو گتاریس نے کہا کہ ہندوستان اور پاکستان کے درمیان کسی طرح کا فوجی ٹکراو ان کے لئے ہی نہیں بلکہ پوری دنیا کے لئے تباہ کن ہوگا۔ انہوں نے کہا ہے کہ یہ ’بہت ہی ضروری‘ ہے کہ ہندوستان اور پاکستان ایک ساتھ آئیں اور اپنی پریشانیوں پر سنجیدگی سے بات کریں۔ دونوں ممالک کے درمیان کسی طرح کا فوجی ٹکراو ان کے لئے اور پوری دنیا کے لئے ’تباہ کن’ ہوگا۔ اقوام متحدہ کے سربراہ نے کہا، ’میں نے جو بیان میں کہا، بدقسمتی سے وہی بات میں آج کہہ سکتا ہوں۔ میرا ماننا ہے کہ کنٹرول لائن پر کشیدگی کم ہونا بہت ہی ضروری ہے۔ کشمیر کیحالات پر تبصرہ کرتے ہوئے انہوں نے کہا کہ ہندوستان اور پاکستان کے درمیان پیدا ہوئی کشیدگی کے متعلق پاکستان کے صحافی کے ذریعہ پوچھے گئے سوال پر یہ جواب د یا۔ صحافی نے کے ان کے اگست 2019 میں دیئے گئے ایک بیان کا بھی ذکر کیا، جس میں انہوں نے جموں وکشمیر کے حالات کے ضمن میں زیادہ صبروتحمل برتنے کی اپیل کی تھی۔ انہوں نے کہا، ’اب چیزیں صحیح سمت میں بڑھ رہی ہیں۔ ہمارے دفتر ہمیشہ دستیاب ہیں اور ہم کہنا چاہتے ہیں کہ ایسی پریشانی، جن کا کوئی فوجی حل نہیں ہے، ان کے پْرامن حل ان کے ذریعہ سے نکالے جائیں۔ ہندوستان اور پاکستان کے ضمن میں یہ واضح ہے کہ دونوں کے درمیان کوئی بھی فوجی ٹکراو دونوں ممالک اور پوری دنیا کے لئے تباہ کن ہوگا۔