ناگپور ۔ ہندوستان اور آسٹریلیا جمعرات کو یہاں ودربھ کرکٹ اسوسی ایشن (وی سی اے) اسٹیڈیم میں پہلے ٹسٹ کے لئے آمنے سامنے ہوں گے جس میں بارڈرگواسکر ٹرافی کے لئے چار میچوں کی سیریز میں دونوں ٹیموں کے لئے بہت کچھ داؤ پر لگا ہوا ہے۔ آسٹریلیا نے 2004 کے بعد سے ہندوستان میں کوئی سیریز نہیں جیتی اور اس سے پہلے وہ تین دہائیوں سے زائد عرصے تک ملک میں مایوس لوٹے تھے لیکن آسٹریلیاکے لیے زیادہ حیران کن حقیقت یہ ہے کہ ہندوستان نے بارڈرگواسکر سیریز کے آخری تین ایڈیشن جیتے ہیں ، دو بار آسٹریلیا میں فتوحات بھی شامل ہیں۔ ہندوستان آخری بارآسٹریلیا سے 2014-15 میں سیریز ہارا تھا۔ اس طرح آسٹریلیاکے لیے ہندوستان کے خلاف سیریزکئی دہائیوں سے آخری محاذ رہی ہے ۔ آسٹریلوی ٹیم توقع کر رہی ہے کہ میزبان چاروں مقامات میں سے ہر ایک پر اسپن جال بچھائیں گے اور ابھی تک ایسا لگتا ہے کہ جمٹھا کے وی سی اے گراؤنڈ میں پہلے ٹسٹ میں کارروائی شروع ہوتے ہی ان کے لئے مسائل ہوں گے۔ چنانچہ، جب آسٹریلیا کے کپتان پیٹ کمنز چہارشنبہ کے روز دوپہر کو میڈیا کے ساتھ روایتی میچ کے لیے بیٹھے تو بات زیادہ تر اسپننگ ٹریک، ڈرائی وکٹ اور ان کی ٹیم کے لیے کتنا بڑا چیلنج ہوگی جیسا خیالات کے علاوہ انہوں نے تقریباً دو دہائیوں سے ہندوستان میں کوئی سیریز نہیں جیتی ہے پر بات کی ۔نہیں، یہ ٹیم ان تمام ٹیموں سے مختلف ہے جو ماضی میں کھیل چکی ہیں اس لیے ہم جیت کے بارے میں سن رہے ہیں اور ہم ہار کی باتیں کم سن رہے ہیں۔ ہم جانتے ہیں کہ ہندوستان کا دورہ کرنا مشکل ہے وہ واقعی ایک اچھی کرکٹ ٹیم ہے، خاص طور پرگھر میں اور ہم پرجوش ہیں اور ہم اسے اپنا بہترین مظاہرہ دیں گے۔ کمنز نے کہا کہ انہوں نے کم و بیش پلیئنگ الیون کا فیصلہ کیا ہے، حالانکہ انہوں نے یہ نہیں بتایا کہ آیا مہمان ٹیم ناگپور ٹسٹ میں تین فاسٹ بولروں اور دو اسپنرز کے ساتھ جائیں گے یا اسپن شعبہ میں اضافہ کریں گے۔ اسکاٹ بولینڈ اور لانس مورس سے توقع کی جاتی ہے کہ وہ پیٹ کمنز کے ساتھ شراکت کریں گے اگر مہمان ٹیم تین فاسٹ بولروں کے ساتھ کھیلنے کا فیصلہ کرتی ہے۔ اس کے بعد انہیں دوسرے اسپنرکو لیون کا ساتھی انتخاب کرنا پڑے گا اور اگرچہ کمنز نے اس کو ظاہر کرنے سے انکار کر دیا، اس بات کے امکانات موجود ہیں کہ آسٹریلیا ناگپور میں نوجوان آفی ٹوڈ مرفی کو موقع دے گا۔کپتان کمنز نے کہا ہے کہ دو آف اسپنرز کامیاب ہو سکتے ہیں کیونکہ دائیں ہاتھ کے کھلاڑی ہندوستانی اسکواڈ میں شامل ہیں۔ جہاں مہمان اپنی مشکلات سے نمٹ رہے ہیں، ہندوستانیوں کے پاس جمعرات کو میدان میں اترنے کے لیے اپنے اپنے چیلنجز ہیں۔ ہندوستانیوں کے لیے نہ صرف گھر پر اپنا ریکارڈ برقرار رکھنے بلکہ ورلڈ ٹسٹ چمپئن شپ فائنل میں جگہ بنانے کے لیے سیریز جیتنا ضروری ہے۔ آسٹریلیا کو پہلے ہی ڈبلیو ٹی سی فائنل میں جگہ کی یقین دہانی کروائی گئی ہے جبکہ بارڈر۔گواسکر سیریز 2-0 یا 3-0 سے جیتنا بھی ہندوستان کی برتری کو یقینی بنادے گا۔ تاہم کپتان روہت شرما نے ڈبلیو ٹی سی فائنل کے معاملے کو مسترد کرتے ہوئے کہا کہ وہ چیزوں کو میچ بہ میچ لے رہے ہیں اور صرف ناگپور ٹسٹ کے بارے میں سوچ رہے ہیں۔
