نئی دہلی: ہندوستان اور امریکہ دفاعی ٹکنالوجی اور تجارتی اقدام منصوبے کے تحت دفاعی ٹکنالوجی (ڈی ٹی ٹی آئی )میں تعاون بڑھانے بات چیت کے عمل کو تیز کرینگے ۔ورچول چینلز کے ذریعہ کل منعقدہ دسویں دفاعی ٹیکنالوجی اور تجارتی اقدام گروپ اجلاس میں دونوں فریقوں نے اس پر اتفاق کیا۔اجلاس کی صدارت وزارت دفاع میں دفاعی پیداوار کے سکریٹری راجکمار اور امریکہ کی جانب سے انڈر سیکریٹری دفاع ایلن ایم لارڈ نے کی۔ ڈی ٹی ٹی آئی گروپ کی میٹنگیں سال میں دو بار دونوں ممالک میں باری باری ہوتی ہیں۔ اس مرتبہ کووڈ۔19 وبا کی وجہ سے میٹنگ کا انعقاد ورچول ذریعہ سے کیا گیا تھا۔ ڈی ٹی ٹی آئی گروپ کا مقصد دوطرفہ دفاعی تجارتی تعقلات پر مسلسل قیادت کی توجہ مرکوز کرنا ہے اور دفاعی سازوسامان کی مشترکہ پیداوار اور باہمی ترقی کے مواقع پیدا کرنا ہے۔ چار مشترکہ ورکنگ گروپس زمین ، پانی ، ہوا اور ہوائی جہاز کے کیریئر ٹیکنالوجی پر فوکس کرتے ہیں۔
