آئی سی سی ویمن T20 ورلڈ کپ
ہند ۔ بنگلہ دیش آج مقابلہ، آسٹریلیا کو ہراکر ٹیم کے حوصلے بلند
پرتھ ۔ 23 فروری (سیاست ڈاٹ کام) دفاعی چمپین آسٹریلیا کے خلاف شاندار کامیابی کے بعد ہندوستانی ویمن کرکٹ ٹیم کے حوصلے بلند ہیں اور آئی سی سی ویمن T20 ورلڈ کپ میں اب پیر کو اس کا مقابلہ نسبتا کمزور بنگلہ دیش کی ٹیم سے ہوگا۔ لیگ اسپنر پونم یادو کی جادوئی بولنگ سے انڈیا نے اپنے افتتاحی میچ میں میزبان و دفاعی چمپین آسٹریلیا کو 17 رنوں سے شکست دی۔ٹیم کی کپتان متالی راج نے آسٹریلیا کے خلاف میچ میں بہترین کارکردگی کا مظاہرہ کرنے والی پونم یادو کی تعریف کرتے ہوئے کہا کہ ان کی بااثر کارکردگی سے ہندوستانی ٹیم کا اعتماد بڑھے گا۔لیگ اسپنر پونم نے آسٹریلیا کے خلاف عالمی کپ کے پہلے میچ میں شاندار کارکردگی کا مظاہرہ کرتے ہوئے 19 رن دیکر چار وکٹ لئے تھے جس کی مدد سے ہندوستان نے میزبان ٹیم کو 17 رنز سے شکست دے کر اپنی مہم کی فاتحانہ شروعات کی تھی۔ متالی نے کہا کہ پونم کی گیند بازی نے میچ کا رخ پلٹ دیا۔ وہ موجودہ وقت میں ہندوستانی ٹیم کی بہترین ا سپن گیند بازوں میں سے ایک ہیں اور اس مقابلے میں انہوں نے ایک بار پھر اس بات کو ثابت کیا ہے۔ون ڈے کپتان نے کہا کہ یہ میچ سنسنی سے بھرا ہوا تھا اور مقابلے میں کئی اتار چڑھاو دیکھنے کو ملے۔ اس ٹورنامنٹ کی اچھی شروعات اس لئے نہیں ہے کیونکہ ہندوستان نے گزشتہ فاتح آسٹریلیا کو اس کے گھر میں شکست دی بلکہ یہ اس لئے بھی بہتر ہیں کیونکہ ٹیم نے یکجہتی کے ساتھ میچ میں کارکردگی کا مظاہرہ کیا ہے۔انہوں نے کہاکہ میچ میں کسی بھی وقت ایسا نہیں لگا کہ مقابلہ یکطرفہ ہے۔ پہلے ہندوستان کے ابتدائی وکٹ گرے اور اس کے بعد ہندوستانی اننگز سنبھلی اور آسٹریلیا کو 133 رنز کا ہدف دیا۔ ہندوستان اور آسٹریلیا دونوے ہی ٹیموں نے میچ میں اپنی صلاحیت کے عین مطابق مظاہرہ کیا جس سے ناظرین کو میچ دیکھنے میں مزہ آیا۔متالی نے کہاکہ دپتی نے جیمما راڈرگیز کے ساتھ شراکت کر ہندوستان کی میچ میں واپسی کرائی اور اس سے پونم نے اپنی اسپن میں آسٹریلیا کے بلے بازوں کو نچا کر میچ کا رخ پوری طرح بدل کر رکھ دیا۔ میزبان ٹیم کے مڈل آرڈر کو مکمل طور پست کرنے کے بعد مقابلہ مکمل طور ہندستان کے حق میں گیا۔ورما نے اپنے ڈیبو سے ہی مجھے بے حد متاثر کیا ہے۔انہوں نے کہاکہ ہندستان کا اعتماد اس جیت سے کافی بڑھا ہے لیکن عالمی کپ میں ابھی بہت کچھ ہونا ہے۔ ہندوستان اور آسٹریلیا کے درمیان مقابلہ بتاتا ہے کہ ٹورنامنٹ کتنا مشکل ہے۔ اشارہ ہے کہ آپ آئی سی سی رینکنگ میں کس مقام پر ہو یہ ضروری نہیں ہے۔ تمام آسٹریلیا کی بلے بازی کی بات کر رہے ہیں کیونکہ وہ 133 رن کے ہدف کو حاصل نہیں کر سکی۔متالی نے کہاکہ یہ دیکھ کر بہت اچھا لگتا ہے جب ناظرین مقابلہ دیکھنے میدان میں آتے ہیں۔ آپ کو ہمیشہ ہندستانی ناظرین کو بھاری تعداد میں میدان میں اپنے ملک کی حمایت کرتے دیکھنا چاہتے ہیں۔ اس سے کوئی فرق نہیں پڑتا کہ ہم کہاں کھیل رہے ہیں لیکن ہندوستانی ناظرین کے درمیان کھیلنا ہمیشہ خوشگوار ہوتا ہے۔