ماسکو، 7 نومبر (سیاست ڈاٹ کام) روس کے نائب وزیر اعظم یوری بوریسوو نے کہا ہے کہ ہندوستان اور روس دفاعی صنعتی تعاون کے ایک پروگرام کو مربوط بنانے پر کام کر رہے ہیں اور اسے سال 2030 تک مکمل کیا جائے گا۔مسٹر بوریسوو نے چہارشنبہ کو وزیر دفاع راج ناتھ سنگھ کے ساتھ یہاں ملاقات کے بعد کہا‘‘ ہندوستان روسی ہتھیاروں کے سب سے بڑے خریداروں میں سے ایک ہے ۔ سال 2030 تک روس اور ہندوستان فوجی تکنیکی تعاون کے ایک پروگرام کو مربوط کرنے کے لئے کام چل رہا ہے ’’۔مسٹر سنگھ وزیر دفاع بننے کے بعد روس کے اپنے پہلے دورہ پر ہیں۔روس حکومت کی ویب سائٹ پر جاری ایک بیان کے مطابق مسٹر بوریسوو نے یہ بھی کہا کہ بین الاقوامی دباؤ کے باوجود روس اور ہندوستان نے کامیابی کے ساتھ دفاعی سیکٹر میں ایک دوسرے کا تعاون کیا ہے ۔ خاص طور پر ہندوستان کو S-400 ایئر ڈیفنس میزائل نظام قابل ذکر ہے۔ ہندوستان اور روس نے دراصل اکتوبر 2018 میں ہندوستان کو پانچ ارب ڈالر والی S-400 ایئر ڈیفنس میزائل نظام دینے پر دستخط کئے تھے ۔
