پارلیمنٹ کے مانسون سیشن میں ہنگامہ روزانہ کی بات بن گئی ہے۔ مانسون سیشن 19 جولائی سے شروع ہو چکا ہے لیکن اپوزیشن ارکان پارلیمنٹ کے ہنگامہ آرائی کی وجہ سے روزانہ کی کارروائی ملتوی ہو رہی ہے۔ پیگاسس معاملے پر حکومت اور اپوزیشن کے درمیان تعطل ختم نہیں ہو رہا اور اس کی وجہ سے ایوان کی کارروائی ملتوی ہونے سے کروڑوں روپے کا نقصان ہو رہا ہے۔ جمعرات کو لوک سبھا اسپیکر اوم برلا نے مسلسل ہنگامہ آرائی کے معاملے پر اپنی ناراضگی کا اظہار کیا۔ انہوں نے کہا کہ ملک کے لوگ مجھ سے پوچھتے ہیں کہ پارلیمنٹ کیوں نہیں چل رہی؟
