کابل: مغربی افغان صوبے ہرات کی ایک جیل میں قیدیوں کے کمروں کی تلاشی کے دوران شروع ہونے والے فساد میں کم از کم 8قیدی مارے گئے۔ اس بدامنی میں بارہ افراد زخمی بھی ہوئے، جن میں سے 8قیدی بتائے گئے ہیں اور باقی چار جیل کے سکیورٹی اہلکار۔ ہرات کے صوبائی گورنر کے ترجمان نے جمعرات کے روز بتایا کہ چہارشنبہ کی رات ہونے والی یہ بدامنی آدھی رات کے بعد تک جاری رہی۔ جیل حکام حسب معمول قیدیوں کے کمروں کی تلاش لینا چاہتے تھے، تاکہ ان کے پاس موجود ممکنہ ہتھیار یا خطرناک اشیاء کو اپنے قبضے میں لے سکیں۔ اس پر قیدیوں نے مزاحمت کی اور ایک سیل کو آگ بھی لگا دی۔
