نئی دہلی۔30 اپریل (سیاست ڈاٹ کام) نیوزی لینڈ کے سابق کوچ اور رائل چیلنجرز بنگلور کے آپریشن ڈائریکٹر مائیک ہیسن مہینے بھر تک ہندستان میں پھنسے رہنے کے بعد واپس نیوزی لینڈ لوٹ گئے۔ہیسن آئی پی ایل 13 کے لئے پانچ مارچ کو ہندستان آئے تھے لیکن کورونا وائرس کی وجہ سے ملک بھر میں لاگو ہوئے لاک ڈاون اور ہوائی جہاز کی خدمات معطل ہونے کی وجہ سے یہاں پھنس گئے تھے۔ہیسن نے ٹویٹ کرکے کہا کہ بس میں سفر کر ممبئی ایر پورٹ پہنچا۔ہوائی جہاز کے عملے کے رکن کافی اچھے ہیں اور میں نیوزی لینڈ واپس جا رہا ہوں۔