سڈنی۔22 فروری (سیاست ڈاٹ کام ) آسٹریلیائی کرکٹر الیسا ہیلی نے ڈرون سے گرنے والی گیند کو کیچ میں تبدیل کرتے ہوئے گنیز بک آف ورلڈ ریکارڈ میں نام درج کرلیا۔ الیسا ہیلی نے میلبورن میں 80 میٹر کی بلندی سے ڈرون کی جانب سے گرائی جانے والی کرکٹ بال کو کیچ کرکے نیا عالمی ریکارڈ قائم کیا، اس کا انکشاف ویمنز ٹوئنٹی 20 ورلڈ کپ کیلیے ٹکٹوں کی فروخت شروع ہونے کے موقع پر کیا گیا۔ اس سے قبل یہ ریکارڈ انگلینڈ کے کرسٹین باؤم گارٹنر کے پاس تھا جنھوں نے 2016 میں 62 میٹر کی بلندی سے آنے والی گیند کو کیچ کیا تھا۔
