برسبین۔ یہاں برسبین میں دوسرے ٹسٹ سے قبل آسٹریلوی ٹیم کے ایک اورکرکٹر اور کوچ کا کووڈ ٹسٹ مثبت آیا ہے۔ کرکٹ آسٹریلیا کے مطابق آل راؤنڈرکیمرون گرین اورکوچ اینڈریو مکڈونلڈ کا کووڈ ٹسٹ مثبت آیا ہے جس کے بعد دونوں افراد کو پروٹوکول کے تحت اسکواڈ سے علیحدہ کردیا گیا ہے۔ کرکٹ آسٹریلیا کے مطابق کووڈ مثبت ہونے کے باوجود طے شدہ پروٹوکول کے تحت کیمرون گرین میچ کھیل سکتے ہیں، ان کی میچ میں شرکت اس بات سے مشروط ہے کہ وہ کیسا محسوس کر رہے ہیں۔ دوسری جانب گزشتہ دنوں کوویڈ کا شکار ہونے والے ٹریوس ہیڈ صحت یاب ہوگئے ہیں اور ان کا آج ہونے والا کووڈ ٹسٹ منفی آیا ہے۔ یاد رہے کہ آسٹریلیا اور ویسٹ انڈیز کے درمیان برسبین ٹسٹ جمعرات کو شروع ہوگا۔
