لندن :یاسمین ڈار مانچسٹر کی پہلی پاکستانی نڑاد مسلم خاتون لارڈ میئر منتخب ہوگئیں۔ میڈیا کے مطابق یاسمین ڈار کے خلاف کسی نے ووٹ نہیں ڈالا جس کے بعد یاسمین ڈار کو مانچسٹر کی پہلی پاکستانی نژاد مسلم خاتون لارڈ میئر منتخب کرلیا گیا۔ اسی طرح پاکستانی نژاد برطانوی تفہین شریف بارو آف ٹیم سائیڈ کی پہلی ایشیائی مسلم خاتون ڈپٹی میئر منتخب ہوئی ہیں۔ کونسلر اختر زمان بولٹن سٹی کونسل کے ڈپٹی لیڈر، کونسلر راجہ محمد ایوب خان میئر آف بولٹن کونسلر اور حاجی محمد فیاض نے میئر کا حلف اٹھالیا۔ اس موقع پر یاسمین ڈار کا کہنا تھا کہ وہ مانچسٹر میں دوسروں کو بااختیار بنائیں گی۔کونسلر اختر زمان کا تعلق ضلع گجرات سے ہے اور کونسلر ایوب خان کا تعلق آزاد کشمیر ضلع کوٹلہ سے ہیں۔
