جعفر ایکسپریس حملہ
اسلام آباد: کوئٹہ سے پشاور جانے والی جعفر ایکسپریس پر بولان میں شدت پسندوں کے حملے کے بعد فورسز کا آپریشن جاری ہے اور موقع پر موجود تمام شدت پسند ہلاک کردیے گئے ۔سکیورٹی ذرائع کے مطابق فورسزکا شدت پسندوں کے خلاف آپریشن آخری مراحل میں داخل ہوگیا اور بڑی تعداد میں یرغمال مسافروں بشمول عورتوں اور بچوں کو بازیاب کروالیا گیا ہے ۔ذرائع نے بتایاکہ بازیاب کروائے گئے بچوں اورخواتین کو انسانی شیلڈ کے طورپراستعمال کیا جارہا تھا، اس سے پہلے 190 مسافروں کو بازیاب کروایا جاچکا ہے ۔سکیورٹی ذرائع کا کہنا تھاکہ دوران کلیئرنیس آپریشن انتہائی اختیاط اور مہارت کا مظاہرہ کیا گیا اورمعصوم جانیں بچائی گئیں تاہم پہلے سے شدت پسندوں کی بربریت کا نشانہ بننے والے کچھ شہید مسافروں کی تعداد کا تعین کیا جا رہا ہے ۔سکیورٹی ذرائع کے مطابق موقع پر موجود تمامشدت پسندوں کو ہلاک کردیا گیا تاہم مزید تفصیلات کچھ دیر میں آنے کا امکان ہے ۔سکیورٹی ذرائع کا کہنا ہے کہ دہشتگردوں نے خودکش بمباروں کو یرغمالی مسافروں کے پاس بٹھایا ہوا تھا اور خودکش بمبار شدت پسندخود کش جیکٹس پہنے ہوئے تھے ۔