صنعا: دنیا عجائب اور پراسرار چیزوں سے بھری پڑی ہیں اور ان کے بارے میں کوئی نہ کوئی واقعہ یا معمہ وابستہ رہا ہے ۔ ایسے ہی معمہ میں یمن میں جہنمی کنوں ہونے کی بات کہی جارہی ہے ۔ میڈیا رپورٹ کے مطابق مشرقی یمن میں واقع’جہنمی کنویں ‘کا معمہ حل نہ ہوسکا، مقامی افراد کا کہنا ہے کہ یہ کنواں لاکھوں کروڑوں سال قدیم ہے جہاں بدروحوں کو قید کیا جاتا تھا۔ جنات و شیاطین کو قید کرنے کی بہت سی کہانیاں صدیوں گردش کرتی رہی ہیں لیکن جزیرہ نما عرب’یمن‘کے مشرق میں ایک ایسا کنواں موجود ہے جسے لوگ بدروحوں کی جیل قرار دیتے ہیں۔ عمان کی سرحد سے قریب اور دارالحکومت صنعا سے 1300 کلومیٹر دور المہرا صوبے میں واقع یہ کنواں 30 میٹر چوڑا اور تقریباً 100 سے 250 میٹر گہرا ہے ۔ مقامی افراد کا کہنا ہے کہ یہ کنواں بدروحوں کو قید کرنے کے لیے بنایا گیا تھا تاہم یمنی حکام کا کہنا ہے کہ انہیں معلوم نہیں کہ کنویں کی گہرائی میں کیا ہے ۔
