صنعا، 12 ستمبر (سیاست ڈاٹ کام) یمن نے متحدہ عرب امارات (یو اے ای) پر اپنی ایک توانائی کمپنی پر حملہ کرنے کا الزام لگایا ہے ۔یمن کے صوبہ سوکترا کے گورنر رمزی محروس نے چہارشنبہ کو کہا کہ ‘آرچی پولاگو’ میں واقع ایک توانائی کمپنی پر ہوئے حملے میں یو اے ای کا ہاتھ ہے ۔ انہوں نے اپنے فیس بک اکاؤنٹ پر لکھا‘‘ یو اے ای کے نمائندے اور خلیفہ فاؤنڈیشن کے سربراہ خلفان المجردی المزراعی کے ساتھ جنوبی عبوری کونسل کے کئی اراکین نے چہارشنبہ 11 ستمبر کو کو مذکورہ صوبہ میں ایک توانائی کمپنی پر حملہ کیا اور بجلی کے جنریٹر اور ٹرانسفارمروں کو لے کر فرار ہو گئے ‘‘۔انہوں نے کہا کہ یو اے ای کی ایسی کارروائیاں برداشت نہیں کی جائیں گی۔ انہوں نے بتایا کہ مقامی انتظامیہ عوامی تنصیبات کی سیکورٹی بڑھانے کیلئے قدم اٹھائے گا۔