کوپا امریکہ فٹبال ٹورنمنٹ کے سیمی فائنل میں11جولائی کو کولمبیا سے مقابلہ
واشنگٹن :یوراگوئے نے برازیل کو پنالٹی شوٹ أؤٹ پر شکست دیکر کوپا امریکہ فٹبال ٹورنمنٹ کے سیمی فائنل میں جگہ بنالی ہے۔لاس ویگاس میں کوپا امریکہ کے کوارٹر فائنل میں اس نے 5 بار کی عالمی چیمپئین برازیل کو پنالٹی شوٹ اؤٹ پر 2۔4 سے شکست دیکر سیمی فائنل کیلئے کوالیفائی کرلیا۔میچ کے مقررہ وقت تک دونوں ٹیمیں کوئی گول اسکور کرنے میں ناکام رہیں جبکہ اضافی وقت میں بھی برازیل اور یوراگوئے نے ایک دوسرے کے گول پوسٹ پر حملے کیے تاہم میچ میں فتح کو یقینی نابناسکیں۔دوران کھیل یوراگوئے کے کھلاڑی ناہیتن ناندیز کو فاؤل کرنے پر ریڈ کارڈ دیکر میدان بدر کردیا گیا۔میچ کے نتیجہ خیز بنانے کیلئے پنالٹی شوٹ اؤٹ پر فیصلہ کیا گیا، جس میں یوراگوئے نے برازیل کو 2۔4 سے شکست دیکر سیمی فائنل کھیلنے کی راہ ہموار کی۔دوسری جانب ارجنٹینا کی ٹیم نے ایک مرتبہ پھر کوپا امریکہ کے سیمی فائنل کیلئے کوالیفائی کرلیا ہے۔ دوسرے سیمی فائنل میں یوراگوئے کا مقابلہ11جولائی کو کولمبیا سے ہوگا جبکہ پہلا سیمی فائنل مقابلہ 10جولائی کوارجنٹینا اور کینیڈا کے درمیان کھیلا جائے گا ۔اسی طرح یورو کپ فٹبال لیگ میں بھی دلچسپ مقابلے جاری ہیں، جہاں سیمی فائنل لائن اَپ مکمل ہوچکی ہے، اسپین، نیدرلینڈز، انگلینڈ اور فرانس کی ٹیمیں ٹاپ فور میں جگہ بنانے میں کامیاب ہوئیں جبکہ ترکیہ، جرمنی، سوئٹزرلینڈ اور پرتگال کو شکست کا منہ دیکھنا پڑا۔