بروسلز : یورپی یونین کے رکن ممالک کے وزرائے خزانہ کے مابین یورپی مالیاتی استحکام کے طریقہ کار کو مزید مضبوط بنانے پر اتفاق رائے ہو گیا ہے۔ اس اقدام کا مقصد یورپی مالیاتی اتحاد میں شامل ممالک پر مشتمل یورو زون کو کسی بھی طرح کے بحرانی حالات کا مقابلہ کرنے کے لیے مزید مستحکم بنانا ہے۔ یورپی وزرائے خزانہ کی ایک ویڈیو کانفرنس کے بعد جرمن وزیر خزانہ اولاف شولس نے کہا کہ یہ پروگرام
European Stability Mechanism
یا ای ایس ایم کو سٹے بازوں کے ممکنہ حملوں کے خلاف مزید مضبوط بنا دے گا۔ اس منصوبے پر عمومی توقعات سے دو سال پہلے ہی 2022ء کے آغاز تک عمل درآمد شروع ہو سکے گا۔ یورپی یونین کے اقتصادی امور کے نگران کمشنر پاؤلو جینٹیلونی نے اسے ایک بڑی کامیابی قرار دیا ہے۔
