برسلز ۔ ترجمان یورپی یونین نے ایک بار پھر کشمیریوں کا معاملہ ہندوستان کے سامنے اٹھانے کا اعلان کیا ہے۔رپورٹ کے مطابق ایک بیان میں ترجمان یورپی یونین نبیلہ مسرالی نے ہندوستان میں 4ہزار کشمیریوں کی غیر قانونی حراست کے معاملے پر کہا کہ ہندوستان کے ساتھ انسانی حقوق ڈائیلاگ میں کشمیر کا معاملہ اٹھائیں گے، مئی میں بھی ہندوستان ای یو سربراہ کانفرنس میں معاملہ اٹھایا تھا۔ ترجمان نے کہا کہ ہم انسانی حقوق کے مسئلے کو اٹھانے سے نہیں گھبراتے اور ہم کشمیر میں انسانی حقوق کی صورتحال سے واقف ہیں۔
