برسلز ۔5 مارچ (سیاست ڈاٹ کام) یورپی یونین نے یونان اور ترکی کی سرحد پر جمع ہونے والے ہزاروں پناہ گزینوں کو متنبہ کیا ہیکہ ان کی غیرقانونی طور پر یورپ میں داخلے کی کوششیں برداشت نہیں کی جائیں گی۔ پچھلے ہفتے ترک صدر رجب طیب اردغان نے اعلان کیا تھا کہ ان کی حکومت شام اور دیگر ملکوں سے ترکی آنے والے پناہ گزینوں کو یونان کے راستے یورپ جانے سے نہیں روکے گی۔ چہارشنبہ کو برسلز میں یورپی یونین کے وزرائے داخلہ نے ایک اجلاس میں ترک صدر پر تنقید کی اور کہا کہ وہ اپنے سیاسی مقاصد کیلئے پناہ گزینوں کا استعمال نہ کریں۔