پیرس ؍ میڈرڈ۔29 اپریل ۔( سیاست ڈاٹ کام ) کورونا وائرس سے بدترین طور پر متاثر ہونیوالے یورپی ملکوں نے مرحلہ وار لاک ڈاؤن ختم کرنے کے اعلانات کر دیئے ۔فرانس اور اسپین میں 11 مئی سے زندگی کی سرگرمیاں بتدریج بحال کی جائیں گی۔اسپین میں کورونا کے اب تک دو لاکھ 32 ہزار 128 مصدقہ متاثرین سامنے آئے ہیں جب کہ اس وباء سے 23 ہزار 822 اموات ہوچکی ہیں۔فرانس میں کورونا وائرس کی وجہ سے مجموعی طور پر 23 ہزار 660 لوگ ہلاک ہوئے جبکہ کورونا کیسز 1 لاکھ 65 ہزار 911 ریکارڈ کئے گئے ۔اٹلی میں کورونا وائرس کی وباء سے مجموعی اموات 27 ہزار 359 بتائی گئی ہیں۔ وہاں اس وائرس کے اب تک مجموعی طور پر دو لاکھ 1 ہزار 505 کیسیز سامنے آئے ہیں۔ادھر لاطینی امریکی ملک برازیل کورونا وائرس کا گڑھ بننے لگا ہے جہاں 24 گھنٹوں میں اس وائرس سے تقریباً500 اموات ہوئی ہیں جبکہ مجموعی ہلاکتیں 5ہزار سے بھی تجاوز کر گئی ہیں۔چین میں کورونا وائرس کے ادھر صرف 22 نئے کیسز سامنے آئے ہیں۔
