بروسلز 29 مارچ ( سیاست ڈاٹ کام ) یورپی یونین کے رکن ممالک اور سوئٹزرلینڈ میں موسم گرما کا وقت شروع ہو گیا ہے۔ اتوار کو گھڑیاں ایک گھنٹہ آگے کر دی گئیں۔ جرمنی میں یہ سلسلہ 1980میں شروع ہوا تھا۔ گھڑیاں آگے کرنے کا مقصد توانائی بچانا ہے، تاہم چار دہائیوں بعد بھی اس کے مفید ہونے کے ٹھوس شواہد نہیں ہیں۔ جرمن عوام کی اکثریت اس فیصلے کے خلاف ہے، لیکن ایسے لوگ بھی ہیں جو شام میں زیادہ دیر کیلئے روشنی ملنے پر خوش ہوتے ہیں۔
