ماسکو ۔ 10 فبروری (ایجنسیز) فرانسیسی صدر ایمانوئل میکرون نے یورپ پر زور دیا ہے کہ وہ سٹریٹجک شعبوں میں سرمایہ کاری بڑھائے ورنہ امریکہ اور چین کے مقابلے میں پیچھے رہ جائے گا۔ انہوں نے منگل کو ایک انٹرویو میں خبردار کیا کہ امریکی دھمکیاں اور دباؤ ختم نہیں ہوئے اور یورپی ممالک کو لاپرواہی سے گریز کرنا چاہیے۔صدر می?رون نے کئی یورپی میڈیا اداروں، جن میں لا مونڈے، دی اکنامسٹ اور فنانشل ٹائمز شامل ہیں، کے ساتھ گفتگو میں کہا کہ یورپی یونین کے اجلاس سے قبل سنگل مارکیٹ کو سادہ اور مضبوط کرنے اور تجارتی شراکت داریوں کو متنوع بنانے کی ضرورت ہے۔ انہوں نے کہا، ہر دن دواسازی، ڈیجیٹل ٹیکنالوجی جیسے شعبوں پر دھمکیاں موجود ہیں۔ جب کھلی جارحیت ہوتی ہے، تو ہمیں جھکنا یا مصالحت کی کوشش نہیں کرنی چاہیے۔صدر میکرون نے کہا کہ یورپ نے مہینوں تک اس حکمت عملی کی کوشش کی لیکن یہ کامیاب نہیں ہوئی اور اس سے یورپ کی انحصاریت بڑھ رہی ہے۔ انہوں نے کہا کہ یورپ کی پبلک اور پرائیویٹ سرمایہ کاری میں سالانہ 1.2 ٹریلین ارب یورو (1.4 ٹریلین ڈالر) کی ضرورت ہے، جس میں گرین اور ڈیجیٹل ٹیکنالوجیز، دفاع اور سکیورٹی شامل ہیں۔انہوں نے یورپی ممالک پر مشترکہ قرض کے خیال کو بھی دہرایا، جسے فرانس طویل عرصے سے فروغ دیتا رہا ہے، مگر دیگر ممالک نے اسے مسترد کیا۔ میکرون نے کہا کہ اب وقت ہے کہ مستقبل کی سرمایہ کاری کیلئے مشترکہ قرض لینے کی صلاحیت، یعنی مستقبل کی جانب یورو بانڈز، کا آغاز کیا جائے۔یہ بیانات یورپ کو اقتصادی خودمختاری اور عالمی مسابقت میں مستحکم رکھنے کیلئے میکرون کے وڑن کی عکاسی کرتے ہیں۔
