دہرادون: یوم جمہوریہ کے موقع پر اتراکھنڈ کے دہرادون کے پریڈ گراؤنڈ میں منعقدہ مرکزی تقریب میں مختلف محکموں کے ٹیبلو کو دکھایا گیا، جس میں محکمہ اطلاعات کے ٹیبلو کو پہلا مقام ملا ہے ۔یہ ایوارڈ گورنر لیفٹیننٹ جنرل (ریٹائرڈ) گرمیت سنگھ، وزیر اعلیٰ پشکر سنگھ دھامی اور چیف سکریٹری ڈاکٹر ایس ایس سندھو نے پیش کیا، جسے ڈائریکٹر جنرل انفارمیشن بنشیدھر تیواری اور جوائنٹ ڈائرکٹر/نوڈل آفیسرکے ایس چوہان نے وصول کیا۔ چیف منسٹر نے کہا کہ وزیراعظم نریندر مودی نے کہا کہ اکیسویں صدی کی تیسری دہائی اتراکھنڈ کی ہے ۔ دیو بھومی اتراکھنڈ میں ترقی یافتہ ہندوستان کے تحت کئی لاکھ کروڑ روپے کے ترقیاتی پراجکٹوں کے کام جیسے آل ویدر روڈ، رشیکیش۔کرن پریاگ ریل لائن، ہوم اسٹے ، روپ۔وے وغیرہ پر تیزی سے کام ہو رہا ہے اور روایتی اناج بھی خاطر خواہ مقدار میں پیدا کیاجارہا ہے ۔
