ملک آج اپنا 70واں یوم جمہوریہ منا رہا ہے۔ صدر رام ناتھ کووند نے اس موقع پر قومی راجدھانی دہلی میں واقع راج پتھ پر پرچم کشائی کی۔ اس دوران ان کے ساتھ مہمان خصوصی کے طور پر جنوبی افریقہ کے صدر سیرل رام فوسا بھی موجود رہے۔ قبل ازیں وزیر اعظم نریندر مودی نے انڈیا گیٹ جاکر امر جوان جیوتی پر شہدائے ملک کو خراج عقیدت پیش کیا۔
یوم جمہوریہ پریڈ کے لئے دہلی کے راج پتھ پر صبح سے ہی بھیڑ جمع ہونے لگی ہے۔ بہت بڑی تعداد لوگوں کی وہاں نظرآرہی ہے۔ ہندوستان ایک گلدستہ ہے اوراس میں تمام طرح کے پھول ہیں۔ یہی ہندوستان کی خوبصورتی ہے۔ انڈین ریلوے تین سال کے وقفے کے بعد 70 ویں یوم جمہوریہ کے موقع پر اپنی جھانکی پیش کرے گا۔