نئی دہلی: بی ایس ایف گجرات ہائی الرٹ پر ہے۔ آنے والے یوم جمہوریہ کے پیش نظر، BSF گجرات کی طرف سے 21 سے 28 جنوری 2023 تک ہند پاک بین الاقوامی سرحد کے ساتھ سر کریک سے گجرات کے کچ کے رن اور راجستھان کے ضلع بارمیر تک سات روزہ ‘آپس الرٹ’ مشق کا انعقاد کیا جا رہا ہے۔ .یوم جمہوریہ کی تقریبات کے دوران ملک دشمن عناصر کے کسی بھی مذموم عزائم کو ناکام بنانے کے لیے ‘آپس الرٹ’ کی مشق کی جارہی ہے۔ اس مشق کے دوران بین الاقوامی سرحد کے ساتھ ساتھ کریک اور حرامی نالہ کے علاقوں میں خصوصی آپریشن کیا جائے گا۔
