نئی دہلی،24اپریل(سیاست ڈاٹکام )کانگریس کے سابق صدر راہل گاندھی نے قومی‘پنچایتی راج دیوس’پر جمعہ کے روزسابق وزیر اعظم راجیو گاندھی کو سلام پیش کرتے ہوئے انہیں دور اندیش بتایا اور کہا کہ وہ مقامی خود حکومت کے سرخیل تھے ۔مسٹر گاندھی نے ٹویٹ کیا،‘‘آج قومی پنچایتی راج دیوس پر مقامی سطح پر خود حکومت کے خالق،دور اندیش قابل احترام راجیو گاندھی جی کو میرا سلام اور ملک کے سبھی سربراہان،عوام اور بلدیاتی اداروں کے ممبروں کو میری دلی مبارکباد۔انہوں نے کورونا وبا سے نمٹنے کے لئے بھی پنچایتی راج نظام کو اہم بتایا اور کہا ‘‘کووڈ-19 آفت میں بھی ملک کے ہر ضرورت مند تک پہنچنے کے لئے پنچایتی ڈھانچے کا اہم رول ہے ۔’’سال 1992میں آج ہی کے دن آئین میں 73 ویں ترمیم کرتے ہوئے پنچایتی راج نظام نافذ کر کے بلدیاتی اداروں کومزیداختیارات دیئے گئے تھے ۔
