انقرہ:ترکیہ کے صدر رجب طیب اردغان نے کہا ہے کہ ہم یونان کو بتا دینا چاہتے ہیں کہ یہ آپ کی غلط فہمی ہے کہ امریکہ اور یورپ سے آنے والی امداد آپ کو بچا لے گی؟ یہ امداد آپ کو بچا نہیں سکے گی۔ اس سے آپ صرف شوبازی ہی کر سکتے ہیں۔ترک میڈیا کے مطابق صدر اردغان نے دارالحکومت انقرہ میں جسٹس اینڈ ڈویلپمنٹ پارٹی کے توسیع شدہ ضلعی سربراہی اجلاس سے خطاب کرتے ہوئے کہا کہ ترک شہریوں کا خون بہانے والوں کو، یونان کے لاوریون کیمپ سمیت یورپ کے تقریبا تقریبا سب ممالک میں پشت پناہی مل رہی ہے اور یہ قاتل ہر جگہ کھلے عام دندناتے پھِر رہے ہیں۔انہوں نے کہا ہے کہ ‘‘جیسے جیسے شام اور شمالی عراق میں دہشت گردی کے گڑھ تباہ ہو رہے ہیں۔ دہشت گرد تنظیم کے رکن بعض ممالک میں کھلے بندوں کیمپ کھول رہے ہیں۔ ہمیں ہمسائیگی کے حقوق کا درس دینے والے ممالک کو سب سے پہلے ان انسان اور جمہوریت دشمنوں کی طرف لاپرواہی سے باز آئیں’’۔صدراردغان نے ترکیہ کے ہمسایہ ممالک سمیت تمام ممالک سے، کسی قسم کی تفریق کئے بغیر، دہشت گرد تنظیموں کے خلاف ضروری حفاظتی تدابیر اختیار کرنے کی اپیل کی ہے۔انہوں نے کہا ہے کہ ‘‘ہم، یونان کو اکسا کر ترکیہ پر مسلط کرنے والوں کی نیتوں سے، بخوبی واقف ہیں۔ مغربی تھریس اور جزائر میں جمع کیا گیا اسلحہ ہمارے لئے کوئی مفہوم نہیں رکھتا کیونکہ ہماری طاقت اور امکانات اس سب سے بہت بڑھ کر ہیں۔ لیکن ہم یونان کو یہ ضرور یاد دلانا چاہیں گے کہ درپیش صورتحال ایک خفیہ قبضے کا مفہوم رکھتی ہے۔
