ایڈن برگ: اسکاٹ لینڈکے ایک ایتھلیٹ نے یونی سائیکل(ایک پہیے والی سائیکل) پر سوار ہو کر 68 کلو وزنی باربیل سر سے اوپر اٹھا کر گینیز عالمی ریکارڈ میںاپنے نام درج کرلیا ہے۔ایڈن برگ سے تعلق رکھنے والے 34 سالہ جوش اولڈ کا کہنا تھا کہ یونی سائیکل پر سوار ہو کر بار بیل کے ذریعے سر سے اوپر سب سے زیادہ وزن اٹھانے کا آفیشل ریکارڈ اب ان کے نام ہے۔جوش اولڈ، جو پیشہ ور یونی سائیکلسٹ اور ایک ٹی وی سیریز ننجا واریئر میں کوچ ہیں، نے خود کو کووڈ کی عالمی وباء کے دوران یہ سِکھایا کہ اپنی دونوں عادات یعنی ایک پہیے والی سائیکل چلانا اور ویٹ لفٹ کو کس طرح یکجا کیا جاسکتا ہے۔انہوں نے کہا کہ یہ ریکارڈ بنانے میں کامیاب ہونے سے قبل ان کو اس کی تیاری میں تقریباً 6 ہفتے لگے تھے۔
