نئی دہلی: ویسٹرن ڈسٹربنس کی وجہ سے ملک کی کئی ریاستوں میں مانسون سے پہلے بارش ہو رہی ہے۔ اگر بارشوں کا یہ سلسلہ جاری رہا تو مئی کے مہینے میں بارش کا نیا ریکارڈ قائم ہو جائے گا۔ جے پور میں 64 سال پہلے 1959 میں مئی کے مہینے میں 100.3 ملی میٹر بارش ریکارڈ کی گئی تھی۔ مئی میں اب تک 82 ملی میٹر بارش ہو چکی ہے۔ محکمہ موسمیات نے دہلی اور جے پور میں اگلے دو دنوں کے لیے یلو الرٹ جاری کیا ہے۔ حالانکہ پیر کی صبح دہلی۔این سی آر میں بارش ہوئی۔ اتر پردیش اور مدھیہ پردیش سمیت 10 ریاستوں میں بارش کا امکان ہے۔ آئی ایم ڈی کے مطابق راجستھان کے کچھ حصوں اور پنجاب، ہریانہ، گجرات کے علاقے اور مدھیہ پردیش کے ملحقہ علاقوں میں تیز ہواؤں کے ساتھ بارش ہوسکتی ہے۔ ‘ جبکہ ہماچل پردیش، اتر پردیش، اڈیشہ، آندھرا پردیش، چھتیس گڑھ اور بنگال میں ہلکی سے درمیانی بارش ہوسکتی ہے۔دہلی۔این سی آر میں بارش کی وجہ سے موسم خوشگوار ہے۔ اس دوران کئی علاقوں میں تیز ہواؤں کے ساتھ ہلکی بارش ہو سکتی ہے۔ محکمہ موسمیات کے مطابق دہلی میں اتوار کو زیادہ سے زیادہ درجہ حرارت 35.7 ڈگری سیلسیس اور کم سے کم 23.6 ڈگری سیلسیس ریکارڈ کیا گیا۔ویسٹرن ڈسٹربنس کی وجہ سے بارش کا الرٹ جاری کرتے ہوئے 40 سے 50 کی رفتار سے ہوائیں چلنے کا امکان ہے۔
