حیدرآباد 29مارچ (یواین آئی)تلنگانہ کانگریس کے سربراہ ریونت ریڈی نے ، یوپی آئی رقمی لین دین پر مرکزی حکومت کی جانب سے رقم کی وصولی سے متعلق خبر پر برہمی کااظہار کیا۔انہوں نے اس خصوص میں ٹوئیٹ کرتے ہوئے کہا کہ شفاف ادائیگیوں کے نام پر لوگوں کو آن لائن ادائیگیوں کی طرف راغب کرنا اور اب ان ادائیگیوں پر 1.1 فیصد چارجس وصول کرنے کی تجویز مودی حکومت کی گھٹیا اخلاقیات کا ثبوت ہے ۔ 10 لاکھ کروڑ روپے کے لین دین پر 1.1 فیصد ٹیکس، ہر سال 11 ہزار کروڑ روپے عوام سے وصول کئے جائیں گے ۔ نیشنل پیمنٹ کارپوریشن آف انڈیا (این اے سی آئی) نے حال ہی میں جاری کردہ سرکلر میں کہا ہے کہ یو پی آئی کے ذریعہ کئے جانے والے کاروباری لین دین پر 1.1 فیصد چارج وصول کیا جا سکتا ہے ۔ این پی سی آئی کے حالیہ سرکلر میں یکم اپریل سے یواپی آئی کے 2,000 روپے سے زیادہ کے لین دین پر 1.1 چارجس کی وصولی کی سفارش کی گئی ہے ۔ اس فیصلے پر اپوزیشن جماعتوں نے مودی حکومت پر برہمی کااظہار کیا اور حکومت کی اس تجویز کو شدید تنقید کا نشانہ بنایا ہے۔
