بہوجن سماج پارٹی کے نو باغی ایم ایل اے نے منگل کو سماج وادی پارٹی کے سربراہ اکھلیش یادو سے ملاقات کی، جس کی وجہ سے ریاست میں اچانک سیاسی پارا بڑھ گیا ہے۔ یہ تمام ایم ایل اے منگل کی صبح گیارہ بجے کے قریب اچانک لکھنؤ میں ایس پی ہیڈ کوارٹر پہنچے، اور پارٹی کے سربراہ اکھلیش سے لمبی ملاقات کی۔ سماج وادی پارٹی کے دفتر پہنچنے کے بعد یہ قیاس آرائیاں جاری ہیں کہ اگلے اسمبلی انتخابات کے لئے یہ سب سماج وادی پارٹی میں اپنا مستقبل ڈھونڈ رہے ہیں اور جلد ہی اکھلیش یادو کی پارٹی میں شامل ہوجائیں گے۔