پیلی بھیت: اترپردیش کے پیلی بھیت میں بی جے پی ایم ایل اے بابورام پاسوان کے رشتہ کے بھائی پھول چند کو غنڈوں نے پیٹ پیٹ کر ہلاک کردیا۔جس کے بعد پولیس انتظامیہ میں خوف و ہراس پایا جاتا ہے۔ ایم ایل اے کے بھائی کے گھر پوتے کی شادی تھی، جب غنڈے ان کے گھر میں گھس آئے اور اہل خانہ کو زدوکوب کیا۔ اس دوران ملزم نے ان کی نواسی کو اغوا کرنے کی کوشش کی۔ اس دوران دونوں اطراف کے آٹھ افراد زخمی ہوئے۔اس واقعہ سے ناراض ایم ایل اے نے پولیس اسٹیشن پر احتجاج کیا اور کارروائی کا مطالبہ کیا۔ یہ واقعہ پورن پور کوتوالی کے اڑہا گاؤں کا بتایا جا رہا ہے۔جہاں پوران پور اسمبلی سے بی جے پی ایم ایل اے بابورام پاسوان کے رشتہ کے بھائی پھول چند کے پوتے کی شادی کی تقریب چل رہی تھی۔اس کے بعد قریبی گاؤں کا مہندر پال نامی شخص اپنے ساتھیوں کے ساتھ گھر میں داخل ہوا اور پھول چند کی پوتی کو مار پیٹ کر اور گھسیٹ کر اغوا کرنے کی کوشش کی۔ گھر والوں نے احتجاج کیا تو فریقین میں لڑائی شروع ہوگئی۔ غنڈوں نے اہل خانہ کو زدوکوب کیا۔ واقعہ کی اطلاع پر پولیس پہنچ گئی اور زخمیوں کو اسپتال میں داخل کرایا۔پھول چند کی علاج کے دوران موت ہو گئی۔
