لکھنؤ : اترپردیش اسمبلی انتخابات میں اب ایک نئی بڑی پارٹی میدان میں دکھائی دے گی۔ ترنمول کانگریس ہندی پٹی میں انتخابی سیاست کا حصہ بن رہی ہے۔ چیف منسٹر مغربی بنگال ممتا بنرجی کی پارٹی ٹی ایم سی نے یوپی کانگریس ایم ایل سی راجیش ترپاٹھی اور اُن کے بیٹے للتیش ترپاٹھی کو اپنی صف میں شامل کرلیا ہے۔ یہ دونوں گزشتہ روز سیلیگوڑی میں ممتا بنرجی کی موجودگی میں ٹی ایم سی میں شامل ہوئے۔ توقع ہے کہ ٹی ایم سی اور اکھلیش یادو کی پارٹی میں اتحاد ہوگا۔
