لکھنؤ۔25 اپریل (سیاست ڈاٹ کام)کورونا وائرس سے لڑنے کے لئے مالی انتظامات کے پیش نظر مرکزی حکومت کے نقش قدم پر چلتے ہوئے اترپردیش حکومت نے بھی ریاستی ملازمین اور سبکدوش افراد کو ملنے والے پنشن کے نئے اضافی بھتے پر پابندی لگا دی ہے ۔ڈی اے الاونس جنوری 2020 تا جون 2021تک معطل رہے گا۔ہفتہ کو ریاستی فائناس ڈپارٹمنٹ کی جانب سے جاری آرڈر کا اثر ٹیچر اور افسران سمیت 16لاکھ ریاستی ملازمین پر پڑے گا۔آرڈر کے مطابق ملازمین اور پنشن حاصل کرنے والے افراد پہلے سے مل رہے اضافی بھتے پر ہی انحصا کرنا ہوگا آنے والے ایک سالوں تک نہ ہی ان کو ملنے والے بھتے میں اضافہ کیا جائے گا اور نہ ہی جولائی 2021 سے ائیرئر ملے گا۔ایک سال تک ڈی اے میں کسی بھی قسم کے اضافے پر پابندی کے ساتھ حکومت مختلف شعبوں کے ملازمین کو ملنے والے دیگر 6اقسام کے الاونسز پر بھی پابندی لگا دی ہے ۔حکومت نے دیگر جن الاونسز پر پابندی لگائی ہے وہ سی سی اے ، سکریٹریٹ الاونس، اسپیشل الاونس فار پولیس،پی ڈبلیو ڈی اور محکمہ سینچائی شامل ہیں۔یہ خصوصی الاونسز یکم اپریل 2020 سے 31مارچ 2021 تک ملتوی رہیں گے ۔آرڈر میں کہا گیا ہے کہ ریاستی ملازمین کے بھتوں میں تخفیف کووڈ۔19 وبا سے مقابلے کے لئے ریاستی حکومت مالی اخراجات کو کم کرنے کے لئے کیا گیا ہے ۔
