خواتین کو سال میں 3مفت گیس سلنڈرس،مفت بس سفر کی سہولت:پرینکا گاندھی
گورکھپور: یوپی اسمبلی انتخابات کے لئے مہم میں تیزی پیدا کرتے ہوئے کانگریس کی جنرل سکریٹری پرینکا گاندھی اتوار کے روز وزیر اعلیٰ یوگی آدتیہ ناتھ کے گڑھ گورکھپور پہنچیں اور پرتگیہ ریلی سے خطاب کرتے ہوئے عوام سے کئی وعدہ کئے۔ ریاست کے 20 نوجوانوں کو ملازمت کی فراہمی‘ خواتین کو بس میں مفت سفر کی سہولت کے علاوہ مچھلی پالن کو زرعت کا درجہ دینے کا وعدہ کیا ۔انہوں نے کہا کہ اگر کانگریس پارٹی اقتدار میں آتی ہے تو اڈہاک اور کنٹراکٹ ورکرس کو مستقل ملازمت دی جائے گی اور ان کی خدمات کو باقاعدہ بنایا جائے گا۔انہوں نے یہ بھی وعدہ کیا کہ گیہوں اور دھان کی خریدی کی قیمت کو2500روپئے کردیا جائے گا جبکہ نیشکر کی اقل ترین امدادی قیمت 400روپئے ہوگی ۔انہوں نے کہا کہ خواتین کو ایک سال میں تین گیاس سلینڈرس مفت دئے جبکہ تمام کیلئے بیماری میں 10لاکھ روپئے تک کا مفت علاج کیا جائے گا ۔انہوں نے یوگی آدتیہ ناتھ اور مودی حکومت پر جم کر تنقدی کی۔ پرینکا گاندھی نے کہا کہ یوگی آدتیہ ناتھ گرو گورکھ ناتھ کے نظریات کے برخلاف حکومت چلا رہے ہیں۔ انہوں نے کہا کہ مخالفین کہتے ہیں کہ کانگریس بی جے پی کی ہی ٹیم ہے لیکن میں انہیں بتانا چاہتی ہوں کہ مر جاوں گی لیکن بی جے پی سے اتحاد نہیں کروں گی۔پرینکا گاندھی نے وزیر داخلہ امت شاہ پر نشانہ لگاتے ہوئے کہا کہ ’’میں امت شاہ کا بیان سن رہی تھی۔ وہ کہہ رہے تھے کہ یوپی میں آج مجرموں کو ڈھونڈنا ہو تو دوربین کی ضرورت پڑتی ہے۔ جبکہ ان کے پاس اجے مشرا کھڑے تھے، جن کے بیٹے نے کسانوں کو کچل دیا۔ میں انہیں کہنا چاہتی ہوں کہ دوربین چھوڑیئے، چشمہ لگائیے۔‘‘ پرینکا گاندھی نے کہا کہ گزشتہ دو سالوں سے یوپی میں کافی گھوم رہی ہوں۔ میں نے جانا کہ یہ اعتقاد کا مرکز ہے۔ ہم ملک، زمین، مذہب اور رہنماوں سے عقیدت رکھتے ہیں جب ہم رہنماوں سے عقیدت رکھتے ہیں تو ان کی توقع ہوتی ہے کہ ہم لوگ لگن کے ساتھ کام کریں گے۔ انہوں نے کہا کہ خواتین سمجھدار ہوتی ہیں۔ ان میں لڑنے کی صلاحیت ہوتی ہے۔ خواتین کے خلاف ظلم و ستم ہوا ہے لیکن جب سیاست میں خواتین آئیں گی تو ہم ان کا سامنا کریں گے۔پرینکا گاندھی نے کہا کہ جب پی ایم مودی 8000 کروڑ کے جہاز سے اٹلی جاتے ہیں تو لگتا ہے کہ وہ ہمارے ملک کی عزت بڑھا رہے ہیں لیکن جب میں جاتی ہو تو سچائی کچھ اور نظر آتی ہے۔ میں الہ آباد میں نشادوں کے گاوں میں گئی تھی، وہاں پولیس نے کشتی جلا دی تھی۔ ان لوگوں نے مجھے دکھایا کہ ان کی کشتیاں جلا دی گئی ہیں۔ جبکہ کشتی نشادوں کی ماں ہوتی ہے۔ اسی طرح سے لکھیم پور میں کسانوں کو کچلا گیا۔
حکومت نے دکھا دیا کہ کسانوں کی ان کو بالکل فکر نہیں ہے۔ یوگی گورکھ ناتھ کے نظریات کے برخلاف حکومت چلا رہے ہیں۔