واشنگٹن ۔ امریکی صدر جو بائیڈن نے عہد ظاہر کیا ہے کہ روس کی طرف سے یوکرائن میں کسی بھی قسم کی فوجی کارروائی کو روکنے کی بھرپور کوشش کی جائے گی۔ انہوں نے کہا کہ اس سابق سوویت ملک میں روسی فوجی کارروائی کو’انتہائی مشکل’ بنا دیا جائے گا۔ قبل ازیں امریکی خفیہ حکام نے ایسی خبروں کی تصدیق کر دی تھی کہ روس نے یوکرائن میں ایک نیا حملہ کرنے کی منصوبہ بندی کی ہے، جو آئندہ سال کے اوائل میں کیا جا سکتا ہے۔ یوکرائن اور ناٹو پہلے ہی ان خطرات کا اظہار کرتے آ رہے تھے۔ تاہم ماسکو حکومت ایسے خدشات رد کرتی ہے۔
