کیف : یوکرین میں یخ بستہ سردی کی وجہ سے 10 افراد ہلاک ہو گئے اور 23 کو ہسپتال میں داخل کر لیا گیا ہے۔یوکرین وزارت داخلہ کے جاری کردہ بیان کے مطابق سخت سرد موسمی حالات یوکرین کے اوڈیسا، کیف، میکولایف، چرکاسی، کیریووگارڈ اور خارکیف کے علاقوں میں معمولاتِ زندگی پر منفی اثرات مرتب کر رہے ہیں۔بیان میں کہا گیا ہے کہ شدید برفانی طوفان کی وجہ سے 14 شاہراہیں رسل و رسائل کے لئے بند ہو گئی اور 16 علاقوں کے لئے بجلی کی ترسیل منقطع ہو گئی ہے۔برفباری کی وجہ سے راستوں میں محصور افراد اور گاڑیوں کو بچا لیا گیا ہے۔خراب موسمی حالات کی وجہ سے کیف میں کْل 10 افراد ہلاک ہو گئے ہیں۔
