برسلز: برسلز میں ایک خصوصی سربراہی اجلاس میں یوکرین میں اہم سروسز کو جاری رکھنے کیلئے فنڈنگ کی فراہمی پر مذاکرات کیے جا رہے تھے۔ ہنگری نے اب تک اس معاہدے کو ویٹو کیا تھا۔ برسلز میں ایک خصوصی سربراہی اجلاس کے میں یوکرین میں اہم سروسز کو جاری رکھنے کیلئے فنڈنگ کی فراہمی پر مذاکرات کیے جا رہے تھے۔ ہنگری نے اب تک اس معاہدے کو ویٹو کیا تھا۔یورپی یونین کے رہنماؤں نے یوکرین کیلئے اضافی 50 ارب یورو کی امداد فراہم کرنے پر اتفاق کر لیا ہے۔یورپی کونسل کے صدر چارلس مشیل کے مطابق یورپی یونین کے خصوصی سربراہی اجلاس شروع ہونے کے صرف ایک گھنٹے بعد ہی یورپی یونین کے رہنما ایک معاہدے پر اتفاق کرنے میں کامیاب ہو گئے۔
جس کے تحت بلاک کو اگلے چار سالوں میں یوکرین کو 50 ارب یورو کی مالی اعانت فراہم کرنے کی اجازت ہو گی۔قبل ازیں ہنگری نے دسمبر کے وسط میں ہونے والے سربراہی اجلاس میں اس معاہدے کو ویٹو کر کے روک دیا تھا۔مشیل نے ایکس پر لکھا، ”ہمارے درمیان ایک معاہدہ طے پا گیا ہے۔ اس سے یوکرین کیلئے مستحکم، طویل مدتی، فنڈنگ یقینی ہو گئی ہے۔‘‘ہنگری کے وزیراعظم وکٹر اوربان نے مطالبہ کیا تھا کہ یوکرین کی فنڈنگ کا سالانہ جائزہ لیا جائے۔ تاہم یونین کے رہنماؤں کے مابین مذاکرات کے بعد یہ طے پایا ہے کہ ‘ضرورت پڑنے پر‘ دو سال میں فنڈنگ کا جائزہ لیا جا سکتا ہے۔یورپی کمیشن کی صدر اْرزولا فان ڈیئر لائن نے معاہدہ طے پانے پر خوشی کا اظہار کرتے ہوئے اسے ‘یورپ کیلئے اچھا دن‘ قرار دیا۔
