دبئی: متحدہ عرب امارات نے سرکاری اور نیم سرکاری اداروں میں کام کرنے والے غیرملکی ملازمین کو ورک پرمٹس اور انٹری پرمٹس دینے کا دوبارہ آغاز کر دیا ہے۔ عرب نیوز کے مطابق نیشنل ہیلتھ ایمرجنسی کرائسس اور ڈیزاسٹر مینجمنٹ اتھارٹی نے یہ بیان پیر کو ٹوئٹر پر جاری کیا۔پانچ عرب ملکوں نے بین الاقوامی پروازیں بحال کر دیں۔ایمریٹس ایئر، فلائی دبئی کے روٹس میں اضافہ کیا گیا ہے ۔متحدہ عرب امارات نے کورونا وائرس کی وبا پر قابو پانے کیلئے مارچ میں ہر طرح کے پرمٹس معطل کر دیئے تھے۔متحدہ عرب امارات میں لاکھوں غیر ملکی کارکن اور ملازمین کام کرتے ہیں۔امارات نے کورونا وائرس کے باعث نئے ویزے کے اجرا اور ملک میں غیر ملکیوں کے داخلے پر پابندی لگا رکھی تھی۔متحدہ عرب امارات میں کورونا وائرس سے اب تک 99 ہزار 733 افراد متاثر ہوئے ہیں جبکہ 429 اموات ہوئی ہیں۔متحدہ عرب امارات کی جانب سے ملک میں غیر ملکیوں کے داخلے کیلئے ویزے 24 ستمبر سے دوبارہ کھولے گئے ہیں۔اس سے قبل جمعے کو دبئی میں حکام نے سفر کے حوالے سے نئے ضوابط کا اعلان کیا تھا۔ دبئی آنے والوں کے لیے دبئی سے جاتے وقت پی سی آر ٹسٹ کی شرط ختم کر دی گئی ہے۔اب ایسے افراد کو جو کہ دوسری جگہوں سے دبئی آتے ہیں انہیں صرف آمد کے وقت ٹسٹ کرانا پڑے گا۔تاہم سیاحوں اور شہریوں کے لیے دبئی آمد پر پی سی آر ٹسٹ کرانا لازمی ہوگا۔
