ابوظہبی ۔ 27 نومبر (ایجنسیز) متحدہ عرب امارات نے فلسطینیوں کیلئے خوراک کے 1 کروڑ پیکٹس کی مہم شروع کر دی۔ غیر ملکی خبر رساں ادارے کے مطابق دبئی کے حکمراں شیخ محمد بن راشد المکتوم نے عوام سے مدد کی اپیل کی ہے۔ خوراک پیکنگ ایکسپو سٹی میں جاری ہے جبکہ غزہ کے بچوں کیلئے فوری امداد تیار ہے۔ شیخ محمد ہیومینیٹیرین شپ غزہ جائے گی۔متحدہ عرب امارات نے غزہ کے مظلوم فلسطینیوں کیلئے 2 سال میں 8700 ٹرک غزہ بھیجے ہیں جبکہ غزہ کیلئے 16 لاکھ امدادی پیکجز روانہ کیے گئے ہیں۔میڈیا رپورٹس کے مطابق اماراتی مہم الفارس الشہم تھری کے تحت 250 قافلے روانہ ہوئے ہیں۔ غزہ کی خواتین اور بچوں کیلئے خصوصی امدادی پیکجز بھی بھیجے گئے ہیں۔متحدہ عرب امارات کی جانب سے غزہ کیلئے 33 ایمبولینسیں اور فیلڈ کلینک فراہم کی گئی ہیں جس میں پانی اور انفرااسٹرکچر سپورٹ بھی شامل ہے۔