نئی دہلی: ریاست بہار اور اترپردیش میں بارش سے متعلق واقعات میں 80 افراد کی جان چلی گئی۔ بہار میں پچھلے 24 گھنٹے کے دوران 58 لوگوں کی اموات ہوئی ہے۔ نالندہ ضلع میں مرنے والوں کی سب سے زیادہ تعداد بتائی جاتی ہے جہاں 22 لوگوں کی درختوں کے جڑوں سے اکھڑنے اور دیواروں کے گرنے کی وجہ سے جانیں تلف ہوئی ہیں جبکہ ریاست کے دیگر حصوں میں اِس طرح کے واقعات میں 35 افراد ہلاک ہوئے ہیں۔ شدید بارش اور تیز ہواؤں کی وجہ سے ربیع کی کھڑی فصلوں، مسور، مکئی، پیاز اور آم اور لیچی جیسی فصلوں کو ریاست کے بہت سے حصوں میں نقصان ہوا ہے۔بارش کی وجہ سے ٹرین کی آمدورفت پر بھی اثر پڑا ہے۔اترپردیش میں گزشتہ روز بارش سے متعلق واقعات میں پانچ خواتین سمیت کم از کم 22 لوگ ہلاک ہوئے ہیں۔ راحت سے متعلق کمشنر کے دفتر کے مطابق بجلی گرنے سے 13 افراد کی موت ہوئی۔ چیف منسٹر یوگی آدتیہ ناتھ نے مرنے والوں کے ورثا کے لئے چار،چار لاکھ روپے کی امداد دینے کا اعلان کیا ہے۔
