لکھنو 11 جنوری (سیاست ڈاٹ کام) کانگریس جنرل سکریٹری پرینکا گاندھی واڈرا 15 جنوری سے رائے بریلی میں پارٹی کے نئے ضلعی و شہری صدور کی ٹریننگ پروگرام میں شرکت کریں گی۔پردیش کانگریس انچارج انتظامیہ سدھارتھ پریا سریواستو نے کہا کہ پرینکا عوامی و سماجی مسائل میں ریاستی و مرکزی حکومت کی قلعی کھولنے اور اس کے خلاف آواز بلند کرنے پارٹی کے بلیو پرنٹ سے آگاہ کریں گی۔انہوں نے بتایا کہ دوسرے مرحلے میں مغربی یوپی کے ضلع اور شہری صدور کیمپ میں شرکت کریں گے جو کہ این سی آر علاقے میں جلد ہی منعقد کیا جائے گا۔ پرینکا نے لیڈروں کو ضلع یا شہر صدر بنانے سے پہلے ان سے تبالہ خیال کیا تھا۔انہوں نے یو پی میں 108 ضلع اور شہر صدور کو نامزد کیا ہے ۔باقی 21 جن میں 4 ضلع صدر اور17 شہر صدر ہیں،کے ناموں کا اعلان ٹریننگ کیمپ سے کیا جائے گا۔ٹریننگ کے دوران لیڈروں کو پارٹی سے متعلق مسائل اور پالیسیوں سے آگاہ کرنے کے علاوہ پرینکا پنچایت الیکشن پر بھی تبادلہ خیال کریں گی۔اترپردیش کانگریس صدر اجے کمار للو بھی کیمپ میں شرکت کریں گے ۔اس سے قبل بھی پرینکا نے رائے بریلی میںپاٹھ شالہ کا انعقاد کرکے ان سے پارٹی توقعات پر گفتگو کی تھی اور انہیں متعدد تجاویز و مشورے دئیے تھے ۔
