نئی دہلی۔ 24 اپریل (سیاست ڈاٹ کام )دارالحکومت دہلی کی ایک عدالت نے آج جموں اینڈ کشمیر لبریشن فرنٹ (جے کے ایل ایف) کے چیرمین یٰسین ملک کی علیحدگی پسند لیڈروں اور دہشت گرد گروپوں کو فنڈ فراہم کرانے سے متعلق معاملات میں حراست کی مدت میں24مئی تک توسیع کردی۔یٰسین ملک پر مرکزی وزیر داخلہ مفتی محمد سعید کی بیٹی روبینہ سعید کا اغوا اور قتل کے الزامات بھی ہیں۔ اس کے علاوہ 1990کے اوائل میں ہندوستانی فضائیہ کے چار جوانوں کے قتل کا الزام بھی یٰسین ملک پر ہے ۔اس معاملے میں قومی تفتیشی ایجنسی (این آئی اے ) کی عرضی پر سماعت کرتے ہوئے خصوصی جج راکیش سیال نے یٰسین ملک کی حراست کی مدت میں24 مئی تک توسیع کرنے کا حکم دیا۔دریں اثنا عدالت نے جیل افسران سے کہا کہ سیکورٹی اسباب سے یٰسین ملک کی پیشی ویڈیو کانفرنسنگ کے ذریعہ کرائی جائے اور اس کے لئے عدالت نے یاسین کے وکیلو ں سے جواب مانگا ہے ۔