نئی دہلی: بی جے پی کے رکن سشیل کمار مودی نے آج راجیہ سبھا میں کہا کہ جس طرح سے وزیراعظم نریندر مودی سب کا ساتھ سب کا وکاس کے جذبہ سے کام کررہے ہیں اس سے ایسا لگتا ہے کہ 2024کے عام انتخابات کے بعد بھی مسٹر نریندر مودی ہی وزیراعظم ہوں گے۔ سشیل کمار مودی نے آج ایوان میں دیگر پسماند طبقہ (او بی سی) ذات کی فہرست بنانے کا اختیار ریاستوں کو دینے سے متعلق آئین کی 105ویں ترمیم بل پر بحث میں حصہ لیتے ہوئے کہا کہ مانسون اجلاس کے شروع ہونے سے محض کچھ دن قبل ہی پسماندہ طبقہ کے ریزرویشن سے منسلک سپریم کورٹ کے ایک فیصلے پر نظرثانی کی عرضی داخل کی جسے عدالت کی طرف سے خارج کئے جانے کے بعد یہ آئینی ترمیم بل لایا گیا ہے تاکہ او بی سی کے طلبا کو میڈیکل میں داخلہ کا پورا فائدہ مل سکے۔
