روم : وسطی اطالوی علاقے ٹسکنی کے گھنے جنگلات سے 21 ماہ کا ایک بچہ دو راتیں تنہا گزارنے کے بعد ایک کھائی سے زندہ نکال لیا گیا۔میڈیارپورٹس کے مطابق اٹلی کے وسطی علاقے ٹسکنی کے جنگلات میں ایک کھائی میں دو راتیں تنہا گزارنے والے 21 ماہ کے ایک بچے کو زندہ بچا لیا گیا۔ اس بچے کی وہاں موجودگی کا احساس ایک ٹیلی وڑن صحافی کو اس وقت ہوا، جب اس نے کھائی سے آنے والی اس کی سسکیوں کی آواز سنی۔ بچے کے سر پر چوٹ لگنے کے سبب ایک ابھار اور چند خراشیں تھیں، مگر مجموعی طور پر وہ اچھی حالت میں پایا گیا۔ نیکولا کو دو روز بعد گہری کھائی سے نکالنے والے دونوں کمانڈوز کا کہنا تھا کہ جس لمحے انہوں نے اس بچے کو اس کی ماں کی گود میں دیا، وہ لمحہ ناقابل بیان مسرت کا لمحہ تھا۔