نئی دہلی، 9 مئی (سیاست ڈاٹ کام) مرکزی وزیر داخلہ امیت شاہ نے ان کی صحت کے بارے میں جا رہی قیاس آرائی پر روک لگاتے ہوئے آج کہا کہ وہ مکمل طور صحت مند ہیں اور انہیں کوئی بیماری نہیں ہے ۔امیت شاہ نے سوشل میڈیا پلیٹ فارم ٹوئٹر پر ایک ٹوئٹ کر کہا کہ گزشتہ کئی دنوں سے کچھ دوستوں نے سوشل میڈیا کے ذریعے میری صحت کے بارے میں کئی من گڑھت افواہیں پھیلائی ہیں، یہاں تک کہ بہت سے لوگوں نے میری موت کے لئے بھی ٹوئیٹ کرکے دعا مانگی ہے ۔احمد آباد میں امیت شاہ کی صحت کے بارے میں افواہیں پھیلانے پر 4 افراد کو گرفتار کیا گیا ہے ۔ امیت شاہ نے کہا ہے کہ وہ ان کی صحت کی فکر کرنے والے تمام لوگوں کو یہ پیغام دے رہے ہیں۔انہوں نے لکھا ہے ،میں واضح کرنا چاہتا ہوں کہ میں مکمل طور پر صحت مند ہوں اور مجھے کوئی بیماری نہیں ہے ۔
امیت شاہ کی صحت ، افواہیں پھیلانے پر 3 گرفتار
احمد آباد۔ 9 مئی (سیاست ڈاٹ کام) مرکزی وزیر داخلہ امیت شاہ کی صحت کے بارے میں سوشل میڈیا میں افواہ پھیلانے والا پیغام مشترک کرنے کے الزام میں ان کی آبائی ریاست گجرات کے احمد آباد کی سائبر پولیس نے تین افراد کو گرفتار کیا ہے ۔پولیس ذرائع نے آج بتایا کہ دو لوگ بھاؤنگر اور ایک کو احمد آباد سے پکڑا گیا ہے ۔ان لوگوں نے شاہ کو گلے کے آخری حصے میں ہڈی کا کینسر ہونے سے متعلق فرضی پیغام کو نشر کیا تھا۔ شاہ کے ٹوئٹر ہینڈل جیسا نظر آنے والے اس فرضی ہینڈل میں ان کے حوالے سے یہ فرضی پیغام تھا کہ وہ لوگوں سے ان کی بہتر صحت کی دعا کرنے کو کہتے ہیں۔ ان کے گلے کے پچھلے حصے میں ہڈی کا کینسر ہے۔