نئی دہلی: ملک آزادی کے 75 سال مکمل ہونے کے موقع پر امرت مہوتسو منا رہا ہے۔ اس دوران 15 اگست کو کئی بڑے دہشت گرد حملوں کے الرٹ موصول ہوئے ہیں۔ اس کے پیش نظر سکیورٹی انتہائی سخت کر دی گئی ہے۔ سب سے بڑا خطرہ ڈرون حملوں کو بتایا جا رہا ہے۔ انٹیلی جنس ایجنسیوں نے دہلی پولیس کو خبردار کیا ہے کہ سرحد پار سے آئی ڈی اور ہتھیار بڑے پیمانے پر ہندوستان پہنچے ہیں۔ جس کے ذریعے 15 اگست کو دہشت گرد حملہ کیا جا سکتا ہے، یا دہشت گرد ڈرون سے براہ راست حملہ کر سکتے ہیں، اسی لیے لال قلعہ پر اینٹی ڈرون ریڈار کو تعینات کیا گیا ہے، تاکہ آسمانی سکیورٹی کو مضبوط بنایا جا سکے۔
