واشنگٹن: بحیرہ احمر میں حوثیوں کے حملوں میں اضافے کے درمیان میری ٹائم سیکورٹی بڑھانے کے مقصد سے 20 سے زائد ممالک امریکی قیادت والے اتحاد میں شامل ہوگئے ۔امریکی نیول فورسز سینٹرل کمانڈ کے کمانڈر وائس ایڈمرل بریڈ کوپر نے ایک پریس کانفرنس کے دوران یہ اطلاع دی۔کوپر نے کہا کہ کل ملاکر 20 سے زیادہ ممالک ہیں۔ آپریشنل طور پر، آپ جانتے ہیں، ابھی، امریکہ، برطانیہ اور فرانس ان بحری جہازوں کی برتری فراہم کر رہے ہیں اور جیسا کہ ذکر کیا گیا ہے ، یونان اور ڈنمارک چند ہفتوں میں اس کی تکمیل کریں گے ۔’امریکہ نے دسمبر میں ‘آپریشن پراسپرٹی گارجین’ کے نام سے ایک بین الاقوامی آپریشن شروع کیا تھا، جس کا مقصد بحیرہ احمر میں تجارتی جہازوں کو یمن کی انصار اللہ باغی تحریک،کے حملوں سے بچانا تھا۔ اس میں برطانیہ، بحرین، کناڈا، فرانس، اٹلی، نیدر لیڈز، ناروے ، سچلز ‘ اسپین اور اٹلی شرکت کرینگے ۔حوثی باغیوں نے کہا کہ وہ بحیرہ احمر اور بحیرہ عرب میں اسرائیلی کمپنیوں کیلئے یا ان کی ملکیت والے جہازوں کو اس وقت تک روکنا جاری رکھیں گے جب تک کہ ملک غزہ پٹی میں اپنی فوجی کارروائی بند نہیں کر دیتا۔ایک امریکی اہلکار نے بدھ کو بتایا کہ حوثی باغیوں نے 19 نومبر سے اب تک 23 بار تجارتی جہازوں پر حملے کیے ہیں۔
