نئی دہلی ۔11 مئی (سیاست ڈاٹ کام) ہرہندوستانی کی طرح ٹیم کے کپتان ویراٹ کوہلی کا سب سے زیادہ پسندیدہ بین الاقوامی میچ 2011 ون ڈے ورلڈ کپ کا فائنل ہے جس میں ہندوستان نے سری لنکا کو شکست دے کر 28 سال خطابی خشک سالی کا خاتمہ کیا تھا۔کوہلی نے اسٹار اسپورٹس کے شوکرکٹ کنکٹڈ میں اپنے دو پسندیدہ بین الاقوامی میچوں کا ذکر کیا۔کوہلی ہندوستانی کرکٹ ٹیم کے حالیہ برسوں میں متعدد یادگار میچوں کے گواہ ہیں۔بہت سارے ہندوستانیوں کی طرح ان کا سب سے زیادہ پسندیدہ میچ ممبئی کے وانکھیڑے اسٹیڈیم میں سری لنکا کے خلاف کھیلا گیا ورلڈکپ فائنل 2011 ہے۔اس نے ہندوستانی ٹیم کے عالمی کپ کے 28 سال کے خطابی خشک سالی کو ختم کیا تھا۔اس کے علاوہ 2016 میں موہالی کے میدان پر آسٹریلیا کے خلاف کھیلا گیا ٹی 20 ورلڈ کپ کوارٹر فائنل میچ بھی ان کا پسندیدہ ہے۔کوہلی نے اس میچ میں ناقابل شکست 82 رنز بنائے تھے جس کی مدد سے ہندوستان نے آسٹریلیا کے خلاف پانچ گیند باقی رہتے چھ وکٹ سے جیت درج کی تھی۔وراٹ نے کہا کہ ورلڈ کپ 2011 کے فائنل کے علاوہ کھیل کے نقطہ نظر سے میرا دوسرا پسندیدہ میچ موہالی میں آسٹریلیا کے خلاف 2016 ٹی 20 ورلڈ کپ کوارٹر فائنل ہے۔