لکھنؤ: اعظم گڑھ لوک سبھا ضمنی الیکشن میں بہوجن سماج پارٹی امیدوار کے تیسرے نمبر پر آنے کے باوجود کارکنوں کی حوصلہ افزائی کرتے ہوئے پارٹی سربراہ مایاوتی نے 2024 کے لوک سبھا انتخابات کی تیاری میں مصروف ہوجانے کی اپیل کی ہے ۔ مایاوتی نے پیر کو یک بعد دیگر کئے گئے اپنے ٹوئٹس میں لکھا’ بی ایس پی کے سبھی چھوٹے ۔ بڑے کارکنوں۔ عہدیداروں اور پارٹی امیدوار شاہ عالم عرف گڈوجمالی وغیرہ نے اعظم گڑھ لوک سبھا ضمنی الیکشن جس جدوجہد و دلیری کے ساتھ لڑا ہے اسے آگے 2024 لوک سبھا انتخابات تک جاری رکھنے کے عزم کے تحت انتخابی مستعدی جوں کی توں بنائے رکھنا بھی ضروری ہے ۔ صرف اعظم گڑھ ہی نہیں بلکہ پوری یوپی میں 2024 جدوجہد و کوشش جاری رکھنا ہے ۔
