نئی دہلی : ملک میں گزشتہ 24 گھنٹوں کے دوران کورونا سے 29 مریضوں کی موت ہوئی ہے اور کورونا انفیکشن کے 1,724 فعال معاملات کا اضافہ ہوا ہے ۔اس دوران ملک میں کورونا ویکسینیشن کا عمل بھی جاری ہے اور اس سلسلے میں گزشتہ 24 گھنٹوں کے دوران 574 افراد کو ویکسین لگائی گئی ہے اور اب تک ملک میں 2,20,66,28,332 افراد کی ویکسینیشن کی جاچکی ہے ۔جمعرات کو وزارت صحت کے جاری کردہ اعداد و شمار کے مطابق، فعال کیسوں کی تعداد بڑھ کر 65,286 ہو گئی ہے ۔ ملک میں متاثرہ افراد کی کل تعداد 4,48,57,992 ہوگئی ہے ۔ اس کے ساتھ ہی مرنے والوں کی تعداد بڑھ کر 5,31,230 ہو گئی ہے ۔ اسی عرصے میں کورونا انفیکشن سے صحت یاب ہونے والوں کی تعداد 10,827 بڑھ کر 4,42,61,476 تک پہنچ گئی ہے ۔ملک میں گزشتہ 24 گھنٹوں کے دوران راجستھان میں فعال کیسوں کی تعداد میں سب سے زیادہ 343 کا اضافہ ہوا ہے ۔
